Rossiya terma jamoasining sobiq hujumchisi Andrey Kanchelskis «Yevro-Futbol.Ru» nashriga bergan intervyusida 2026 yilgi jahon chempionati atrofidagi o'zgarishlar haqida fikr bildirdi. Bu haqda euro-football.ru xabar beradi.
Uning ta'kidlashicha, turnirda jamoalar sonining keskin oshishi musobaqa sifatiga salbiy ta'sir ko'rsatishi mumkin. Kanchelskis misol sifatida shuni keltirdiki, Ispaniya yoki Germaniya kabi grandlar Kurasao singari raqiblarni yirik hisobda yengib qo'yishi ehtimoli yuqori va bunday o'yinlar tomoshabinda katta qiziqish uyg'otmaydi.
— Jamoalar sonini ko'paytirish menga uncha yoqmaydi, bu intriga va keskinlikni kamaytiradi. Axir muxlislar jahon chempionatini aynan sensatsiyalar va oldindan aytib bo'lmas natijalar uchun yaxshi ko'radi, — dedi Kanchelskis.
Ma'lumot uchun, 2026 yilgi jahon chempionati AQSh, Meksika va Kanadada o'tkazilishi rejalashtirilgan. Turnir 11 iyundan 19 iyulgacha bo'lib o'tadi va unda rekord darajadagi — 48 ta terma jamoa qatnashadi.
“Zamin”ni Telegramʻda oʻqing!
