Xitoy «Tyangun» kosmik stansiyasini oltita modulgacha kengaytiradi
Xitoy "Tyangun" kosmik stansiyasini olti modulga kengaytirishga tayyorgarlik ko'rmoqda. Yaqin yillarda stansiya T-shaklidan hoqsimon ko'rinishga o'tadi va ilmiy tajribalar uchun yirik orbital laboratoriyaga aylanishi kutilmoqda. Kengaytirish "Tyanhe" markaziy tuguniga ko'p funksiyali modul qo'shishdan boshlanadi va umumiy massasi 180 tonnaga yetadigan to'liq olti modulli stansiya yaratilishi mumkin. Xitoy stansiyani rivojlantirish uchun raketa va texnik infratuzilmani modernizatsiya qilmoqda.
Xitoy o'zining "Tyangun" orbital stansiyasini rivojlantirishning yangi bosqichiga tayyorgarlik ko'rmoqda. Yaqin yillarda stansiyaning hozirgi T-simon shakli xochsimon ko'rinishga, so'ngra oltita moduldan iborat tuzilmaga kengaytirilishi mumkin. Bu haqda Ixbt.com xabar beradi.
Bu "Tyangun"ni ilmiy tajribalar va xalqaro hamkorlik uchun mo'ljallangan yirik orbital laboratoriyaga aylantiradi.
Stansiyani kengaytirish "Tyanxe" markaziy tuguniga ko'p funksiyali modul qo'shishdan boshlanadi. Ushbu to'rtinchi modul ochiq kosmosga chiqish uchun maxsus shlyuzga ega bo'ladi.
Kelgusida bu umumiy massasi qariyb 180 tonna bo'lgan to'liq olti modulli stansiya yaratilishiga olib kelishi mumkin.
Xitoy stansiyani rivojlantirish uchun raketa va texnik infratuzilmani modernizatsiya qilmoqda. Xususan, "Chanchjen-5B" raketasining kuchaytirilgan versiyasi va yangilangan robotlashtirilgan manipulyatorlar ustida ish olib borilmoqda.
Agar rejalar amalga oshsa, "Tyangun" yana 15 yil atrofida ishlashi mumkin. Xalqaro kosmik stansiya orbitadan chiqarilgach, u pastki Yer orbitasida yagona yirik va doimiy faoliyat yurituvchi stansiya bo'lib qolishi kutilmoqda.
Izohlar 0
…