Turkiya klublarida ishlash tajribasiga ega rossiyalik murabbiy Valeriy Nepomnyashchiy Denis Makarovning «Kayserispor»ga o‘tishi haqida fikr bildirdi. Yarim himoyachi Moskvaning «Dinamo»sidan erkin agent sifatida klubni tark etdi. Bu haqda euro-football.ru xabar beradi.
Nepomnyashchiyning aytishicha, Makarovning Turkiyada o‘zini ko‘rsatib ketishiga u qadar ishonchi katta emas. Murabbiy futbolchining maydondagi sifatlari turk jamoalariga mos kelishini ta’kidladi, biroq mentalitet va kundalik hayotga moslashish borasida savollar borligini qo‘shimcha qildi.
Hozirda «Kayserispor» quyi ligaga tushib ketmaslik uchun kurashmoqda: jamoa 15 ochko bilan 17-o‘rinda. 27 yoshli Makarov esa joriy mavsum barcha turnirlarda 12 o‘yinda maydonga tushib, 3 gol urdi va 1 assist qayd etdi.
“Zamin”ni Telegramʻda oʻqing!
