Parijning «PSJ» klubi o'zining sobiq futbolchisi Janluiji Buffonni tug'ilgan kuni bilan tabrikladi. Chorshanba kuni italiyalik afsonaviy darvozabon 48 yoshni qarshi oldi. Bu haqda euro-football.ru xabar beradi.
«48 yosh bilan, Janluiji Buffon!» — deb yozdi Parij klubi ijtimoiy tarmoqlardagi tabrigida.
Buffon «PSJ» safida 2018/2019 yilgi mavsumni o'tkazgan. Ushbu davrda u 25 uchrashuvda maydonga tushib, 25 ta gol o'tkazib yuborgan. Parij klubida o'ynagan paytida Buffon Fransiya chempionati va Fransiya Superkubogini qo'lga kiritgan, mavsum yakunida esa «Yuventus»ga qaytgan.
Janluiji Buffon 2006 yilda Italiya terma jamoasi bilan jahon chempioni bo'lgan. Finalda «skuadra adzurra» 1:1 hisobidagi durangdan so'ng penaltilar seriyasida Fransiyani mag'lub etgan.
“Zamin”ni Telegramʻda oʻqing!
