Turkiyaning «Kayserispor» klubi safida to‘p surayotgan rossiyalik yarim himoyachi Denis Makarov jarohat sabab noma’lum muddatga safdan chiqdi. Bu haqda klub matbuot xizmati ma’lum qildi. Bu haqda euro-football.ru xabar beradi.
Klub bergan xabarga ko‘ra, tekshiruvlar davomida futbolchining o‘ng sonining yuqori qismidagi o‘rta mushak guruhida yengil shikastlanish va shish aniqlangan. Hozirda davolanish jarayoni davom etmoqda.
Makarov «Kayserispor»dagi debyutini 3 fevral kuni «Galatasaray»ga qarshi uchrashuvda o‘tkazgan, o‘yin 0:4 hisobida yakunlangan. Rossiyalik futbolchi to‘p surayotgan jamoa turnir jadvalida 17-o‘rinda bormoqda va ligada qolish uchun kurash olib bormoqda. Makarov avvalroq Moskvaning «Dinamo» klubida o‘ynagan va jamoani erkin agent sifatida tark etgan.
“Zamin”ni Telegramʻda oʻqing!
