«Lokomotiv»ning sobiq prezidenti Nikolay Naumov «Benfika» bosh murabbiyi Joze Mourinyu faoliyatini davom ettirishi mumkin bo‘lgan chempionat haqida fikr bildirdi. U bu haqda «Yevro-Futbol.Ru» nashriga bergan intervyusida gapirdi. Bu haqda euro-football.ru xabar beradi.
Naumovning ta’kidlashicha, Mourinyuning eng yorqin davri ortda qolgan bo‘lishi mumkin. Uning fikricha, portugaliyalik mutaxassisga biroz tanaffus kerak, chunki u zamonaviy futboldagi o‘zgarishlardan ortda qolgan va avvallari sirli hamda kutilmagan qarorlari bilan ajralib turgan bo‘lsa, hozir ko‘proq oddiyroq murabbiy sifatida ko‘rinmoqda.
Shu sabab ekspert Mourinyu uchun Saudiya Arabistoni chempionati ayni muddao bo‘lishini aytdi. Naumov u yerda maoshlar yuqoriligi, shov-shuvlar tez-tez uchrashi va tajribali, yoshi katta yulduz futbolchilar bilan ishlash imkoniyati borligini ta’kidladi.
Mourinyu boshqaruvidagi «Benfika» Chempionlar ligasi 1/16 finalida Madridning «Real» jamoasiga qarshi maydonga tushadi. Dastlabki uchrashuv 17 fevral kuni Portugaliyada bo‘lib o‘tadi.
“Zamin”ni Telegramʻda oʻqing!
