Chempionlar ligasi yarim final javob uchrashuvi oldidan "Bavariya" va "PSJ" o'rtasida ziddiyat yuzaga keldi. Bunga parijliklar joylashishi kerak bo'lgan mehmonxona sabab bo'ldi. Bu haqda Goal.com xabar beradi.
Dastlab Fransiya chempioni Myunxen chetidagi to'rt yulduzli "Infinity" mehmonxonasida qolishni rejalashtirgan edi. Biroq "Bavariya" jamoasi allaqachon u yerga joylashib olgan va raqibga joy bo'shatishni istamadi.
"Bavariya" bosh murabbiyi Vensan Kompani bu borada qat'iy fikr bildirdi. U jamoa o'z odatiga ko'ra aynan shu mehmonxonada qolishini ta'kidladi.
"PSJ" endi Schwabinger Tor hududidagi "Andaz" mehmonxonasiga joylashadi. Jamoa seshanba kuni Myunxenga yetib kelgach, to'g'ridan-to'g'ri yangi manzilga yo'l oladi va o'yinga tayyorgarlikni davom ettiradi.
“Zamin”ni Telegramʻda oʻqing!
