Kolumbiya va Garvard universitetlari olimlari E. coli bakteriyasi genetik kodini qisqartirish bo'yicha tajriba o'tkazdi. Bu haqda Ixbt.com xabar beradi.
Tadqiqotchilar 20 ta standart aminokislotadan birini olib tashlash orqali hujayra hayotiyligini saqlab qolish mumkinligini o'rgandi. Buning uchun izoleytsin aminokislotasi tanlandi.
Olimlar dastlab 36 ta muhim genda izoleytsinni valinga almashtirdi. Natijada ba'zi bakteriyalar nobud bo'ldi, ammo genlarning yarmi ishlashda davom etdi.
Keyingi bosqichda ribosoma oqsillari sinovdan o'tkazildi.
Sun'iy intellekt modellari yordamida ribosoma oqsillarining muqobil ketma-ketligi ishlab chiqildi. Tajriba davomida bakteriyalar o'sish tezligi 30-40 foizga sekinlashgan bo'lsa-da, ular yashashda davom etdi.
Olimlar bu natijani muqobil biokimyo tizimlarini yaratishdagi birinchi qadam deb hisoblamoqda.
“Zamin”ni Telegramʻda oʻqing!
