A Seriyaning 25-turida «Bolonya» safarda «Torino»ga qarshi juda faol o‘yin ko‘rsatib, muhim uch ochkoni qo‘lga kiritdi. Bu haqda euro-football.ru xabar beradi.
Uchrashuv boshida Jonatan Rou jarima maydoni tashqarisidan yo‘llagan zarbasi bilan hisobni ochishga juda yaqin keldi, biroq to‘p nishondan sal chetga ketdi.
Ikkinchi bo‘limning 49-daqiqasida Rou qanotdan uzatmani jarima maydoniga yo‘lladi va Nikola Vlashichdan qaytgan to‘p darvozaga kirib, «Bolonya»ni oldinga olib chiqdi — 0:1. Mezbonlar javob izlagan pallada Simon Zom darvozabonni ishga soldi, keyin esa 62-daqiqada Duvan Sapataning zarbasini mehmonlar posboni qaytardi, ammo Vlashich qaytgan to‘pni yakunlab, hisobni tenglashtirdi.
O‘yin taqdiri 70-daqiqada hal bo‘ldi: Federiko Bernardeski yaratib bergan vaziyatdan Santyago Kastro unumli foydalanib, g‘alaba golini urdi — 1:2.
Shu tariqa «Bolonya» ketma-ket to‘rt mag‘lubiyatdan keyin nihoyat yutib, turnir jadvalida 8-o‘rinni bo‘lishib turibdi. «Torino» esa 14-pog‘onada qoldi.
“Zamin”ni Telegramʻda oʻqing!
