Futbol agenti Paulu Barboza rossiyalik yarim himoyachi Aleksandr Golovinning 2025/2026 yilgi mavsum yakunida «Monako»ni tark etishi mumkinligi haqida fikr bildirdi. Bu haqda euro-football.ru xabar beradi.
Mutaxassisning aytishicha, bunday ssenariy real: agar Golovin hozirgi darajada o‘yin ko‘rsatishda davom etsa, Yevropaning top-klublaridan jiddiy takliflar kelib tushishi ehtimoli bor.
«U hozir qanday o‘ynayotgan bo‘lsa, mavsum oxirida albatta qiziqarli takliflar bo‘lishi mumkin», — deya Barbozaning so‘zlarini «Match TV» keltirdi.
2025/2026 yilgi mavsumda Golovin 25 ta uchrashuvda maydonga tushib, 2 ta gol urdi va 4 ta golli uzatma amalga oshirdi.
Yarim himoyachining «Monako» bilan shartnomasi 2029 yil 30 iyungacha amal qiladi. Uning bozor qiymati 18 million yevroga baholanmoqda.
“Zamin”ni Telegramʻda oʻqing!
