«Shanxay Shenxua» Osiyo Chempionlar ligasi guruh bosqichida yetti turdan keyin pley-off yo'llanmasi uchun kurash imkoniyatini boy bergandi. 8-turda «Buriram Yunayted»ga qarshi uchrashuv Leonid Slutskiy jamoasi uchun turnir bilan xayrlashish oldidan so'nggi imkoniyat edi, biroq bu safar ham natija chiqmadi. Bu haqda euro-football.ru xabar beradi.
Tailand vakili «Buriram Yunayted» 2:0 hisobida g'alaba qozondi. Ular birinchi bo'lim boshidayoq ikki bor aniq zarba berdi: 11-daqiqada Gud Kertis, 22-daqiqada esa Suphanat Mueanta gol urdi. Tez orada «Shanxay Shenxua» bir futbolchisi maydondan chetlatilib, son jihatdan kamchilikda qoldi va uchrashuvdagi intriga amalda so'ndi.
Ma'lumot uchun, Leonid Slutskiyning «Shanxay Shenxua» bilan amaldagi shartnomasi 2027 yil oxirigacha mo'ljallangan.
“Zamin”ni Telegramʻda oʻqing!
