Osiyo Chempionlar ligasida «Shanxay Shenhxua» yetti turdan so'ng pley-offga chiqish imkoniyatidan mahrum bo'lgandi. 8-turda «Buriram Yunayted»ga qarshi uchrashuv Leonid Slutskij jamoasi uchun turnirdan chiqib ketishdan oldingi so'nggi urinish bo'ldi, ammo «eshikni qarsillatib yopish»ning iloji bo'lmadi. Bu haqda euro-football.ru xabar beradi.
Tailand vakillari 2:0 hisobida g'alaba qozondi. «Buriram Yunayted» birinchi taym boshidayoq ketma-ket ikkita gol urdi: 11-daqiqada Gud Kertis hisobni ochdi, 22-daqiqada esa Suphanat Mueanta ustunlikni mustahkamladi.
Ko'p o'tmay «Shanxay Shenhxua» bir futbolchisidan ayrilib, maydonda kamchilikda qoldi va bu holat o'yindagi intriga deyarli yo'qolishiga olib keldi.
Qayd etilishicha, Leonid Slutskijning «Shanxay Shenhxua» bilan amaldagi shartnomasi 2027 yil yakunigacha mo'ljallangan.
“Zamin”ni Telegramʻda oʻqing!
