"Shanxay Shenxua" Osiyo Chempionlar ligasida yetti turdan keyin pley-off yo'llanmasi uchun imkoniyatini boy bergandi. Sakkizinchi turda "Buriram Yunayted"ga qarshi bahs Leonid Slutskiy jamoasi uchun turnir bilan xayrlashish oldidan so'nggi urinish bo'ldi, biroq natija chiqmadi. Bu haqda euro-football.ru xabar beradi.
Uchrashuv 0:2 hisobida taylandliklar foydasiga yakunlandi. "Buriram Yunayted" birinchi bo'limning boshidayoq ikki bor raqib darvozasini ishg'ol qildi: 11-daqiqada Gud Kertis, 22-daqiqada esa Suphanat Mueanta gol urdi. Ko'p o'tmay "Shanxay Shenxua" bir futbolchiga kamayib qoldi va bu o'yindagi intriganing deyarli yo'qolishiga olib keldi.
Ma'lumot uchun, Leonid Slutskiyning "Shanxay Shenxua" bilan amaldagi shartnomasi 2027 yil oxirigacha mo'ljallangan.
“Zamin”ni Telegramʻda oʻqing!
