Osiyo Chempionlar ligasida yetti turdan so'ng «Shanxay Shenhxua» pley-off yo'llanmasi uchun imkoniyatlarini boy bergandi. 8-turda Leonid Slutskiy shogirdlari «Buriram Yunayted»ga qarshi hech bo'lmasa munosib xayrlashish uchun maydonga tushdi, biroq bu ham amalga oshmadi. Bu haqda euro-football.ru xabar beradi.
Uchrashuv 0:2 hisobida Tailand klubi foydasiga yakunlandi. «Buriram Yunayted» dastlabki bo'limning ilk daqiqalaridayoq ikki bor gol urib, o'yin taqdirini hal qildi: 11-daqiqada Gud Kertis, 22-daqiqada esa Mueanta Suphanat raqib darvozasini ishg'ol qildi.
Ko'p o'tmay «Shanxay Shenhxua» futbolchisi chetlatilib, jamoa bir kishi kam bo'lib qoldi va bu intriga deyarli so'nishiga olib keldi.
Ta'kidlash joiz, Leonid Slutskiyning «Shanxay Shenhxua» bilan amaldagi shartnomasi 2027 yil yakunigacha mo'ljallangan.
“Zamin”ni Telegramʻda oʻqing!
