Осиё Чемпионлар лигасида етти турдан сўнг «Шанхай Шэньхуа» плей-офф йўлланмаси учун имкониятларини бой берганди. 8-турда Леонид Слуцкий шогирдлари «Бурирам Юнайтед»га қарши ҳеч бўлмаса муносиб хайрлашиш учун майдонга тушди, бироқ бу ҳам амалга ошмади. Бу ҳақда euro-football.ru хабар беради.
Учрашув 0:2 ҳисобида Таиланд клуби фойдасига якунланди. «Бурирам Юнайтед» дастлабки бўлимнинг илк дақиқалариёқ икки бор гол уриб, ўйин тақдирини ҳал қилди: 11-дақиқада Гуд Кертис, 22-дақиқада эса Муеанта Супханат рақиб дарвозасини ишғол қилди.
Кўп ўтмай «Шанхай Шэньхуа» футболчиси четлатилиб, жамоа бир киши кам бўлиб қолди ва бу интрига деярли сўнишига олиб келди.
Таʼкидлаш жоиз, Леонид Слуцкийнинг «Шанхай Шэньхуа» билан амалдаги шартномаси 2027 йил якунгигача мўлжалланган.
“Zamin”ни Telegram'да ўқинг!
