“Liverpul”ning sobiq himoyachisi Jeymi Karager Milan “Inter”iga qarshi o‘yindan keyin “Bude-Glimt”ning o‘yin darajasini alohida e’tirof etdi. Norvegiya chempionati vakili Chempionlar ligasi pley-offidagi ilk uchrashuvda A Seriya klubini 3:1 hisobida mag‘lub etdi. Bu haqda euro-football.ru xabar beradi.
Karagerning aytishicha, nomi unchalik tanish bo‘lmagan jamoaning “Inter”ni yenggani ko‘pchilik uchun kutilmagan holat. Biroq u o‘yinni diqqat bilan ko‘rganlar “Glimt”ning gollar urish uslubi va futbolchilar ko‘rsatgan sifatni payqashini, jamoa Chempionlar ligasi darajasiga xos futbol o‘ynayotganini ta’kidladi. Karager fikricha, “Bude-Glimt”ga nisbatan munosabat ham, hurmat ham ko‘proq bo‘lishi kerak.
“Inter” va “Bude-Glimt” o‘rtasidagi javob uchrashuvi 24-fevral kuni bo‘lib o‘tadi.
“Zamin”ni Telegramʻda oʻqing!
