Osiyo Chempionlar ligasida yetti turdan so'ng «Shanxay Shenhxua» pley-offga chiqish imkoniyatidan mahrum bo'lgandi. 8-turda «Buriram Yunayted»ga qarshi uchrashuv Leonid Slutskiy jamoasi uchun turnir bilan xayrlashish oldidan so'nggi urinish edi, biroq u ham samara bermadi. Bu haqda euro-football.ru xabar beradi.
Tailand klubi 2:0 hisobida g'alaba qozondi. «Buriram Yunayted» ilk bo'limning avvalidayoq ikki bor aniq zarba yo'lladi: 11-daqiqada Gud Ko'rtis, 22-daqiqada esa Supxanat Mueanta hisobni yiriklashtirdi.
Tez orada «Shanxay Shenhxua» futbolchisi maydondan chetlatilib, jamoa bir kishi kam bo'lib qoldi. Shu holat uchrashuvdagi intriganing deyarli barham topishiga sabab bo'ldi.
Ma'lumot uchun, Leonid Slutskiyning «Shanxay Shenhxua» bilan amaldagi shartnomasi 2027 yil oxirigacha mo'ljallangan.
“Zamin”ni Telegramʻda oʻqing!
