Осиё Чемпионлар лигасида етти турдан сўнг «Шанхай Шэньхуа» плей-оффга чиқиш имкониятидан маҳрум бўлганди. 8-турда «Бурирам Юнайтед»га қарши учрашув Леонид Слуцкий жамоаси учун турнир билан хайрлашиш олдидан сўнгги уриниш эди, бироқ у ҳам самара бермади. Бу ҳақда euro-football.ru хабар беради.
Таиланд клуби 2:0 ҳисобида ғалаба қозонди. «Бурирам Юнайтед» илк бўлимнинг аввалидаёқ икки бор аниқ зарба йўллади: 11-дақиқада Гуд Кўртис, 22-дақиқада эса Супханат Муеанта ҳисобни йириклаштирди.
Тез орада «Шанхай Шэньхуа» футболчиси майдондон четлатилиб, жамоа бир киши кам бўлиб қолди. Шу ҳолат учрашувдаги интриганинг деярли барҳам топишига сабаб бўлди.
Маълумот учун, Леонид Слуцкийнинг «Шанхай Шэньхуа» билан амалдаги шартномаси 2027 йил охиригача мўлжалланган.
“Zamin”ни Telegram'да ўқинг!
