«Shanxay Shenxua» Osiyo Chempionlar Ligasi guruh bosqichida yetti turdan so‘ng pley-off yo‘llanmasi uchun imkoniyatlarini boy bergandi. 8-turda «Buriram Yunayted»ga qarshi bahs Leonid Slutskiy jamoasi uchun turnir bilan xayrlashish oldidan so‘nggi urinish bo‘lishi kerak edi, biroq bu safar ham natija chiqmadi. Bu haqda euro-football.ru xabar beradi.
Tailand klubi 2:0 hisobida g‘alaba qozondi. Uchrashuvning dastlabki bo‘limida mezbonlar qisqa vaqt oralig‘ida ikki bor darvozani ishg‘ol qildi: 11-daqiqada Gud Kyortris, 22-daqiqada esa Suphanat Mueanta gol muallifiga aylandi. Ko‘p o‘tmay «Shanxay Shenxua» bir futbolchiga kamayib qoldi va o‘yin intrigasini deyarli yo‘qqa chiqardi.
Ma’lumot uchun, Leonid Slutskiyning «Shanxay Shenxua» bilan amaldagi shartnomasi 2027 yil oxirigacha mo‘ljallangan.
“Zamin”ni Telegramʻda oʻqing!
