«Shanxay Shenxua» Osiyo Chempionlar ligasida yetti turdan keyin pley-offga chiqish imkoniyatini boy berib bo'lgandi. Sakkizinchi turda «Buriram Yunayted»ga qarshi bahs Leonid Slutskining jamoasi uchun turnir bilan xayrlashish oldidan so'nggi imkoniyat, hech bo'lmasa, o'z so'zini aytish uchrashuvi edi. Biroq bunga erisha olmadi. Bu haqda euro-football.ru xabar beradi.
Tailand klubi «Buriram Yunayted» 2:0 hisobida g'alaba qozondi. Ular birinchi bo'limning boshidayoq ikki bor raqib darvozasini ishg'ol qilib, o'yin taqdirini amalda hal qildi. Oradan ko'p o'tmay «Shanxay Shenxua» futbolchisi maydondan chetlatilib, jamoa bir kishi kam bo'lib qoldi va intriga butunlay so'ndi.
Ma'lumot uchun, Leonid Slutskining «Shanxay Shenxua» bilan amaldagi shartnomasi 2027 yil oxirigacha mo'ljallangan.
“Zamin”ni Telegramʻda oʻqing!
