Fevral o'rtalarida "Bavariya" darvozaboni Manuel Noyer jarohat olgandi. Dastlab tajribali posbon taxminan uch haftaga safdan chiqishi aytilgan, biroq uning tiklanishi kutilganidan tezroq kechayotgani ehtimoli bor. Bu haqda euro-football.ru xabar beradi.
Bild xabariga ko'ra, dushanba kuni Noyer maydonda darvozabonlar murabbiyi va reabilitatsiya bo'yicha mutaxassis bilan birga mashg'ulot o'tkazdi. U hali murakkab yuklamalarni bajargani yo'q, ammo to'p bilan ishlagani tiklanish jarayoni ijobiy ketayotganidan darak beradi.
Germaniyada Noyer 28-fevral, shanba kuni Dortmundning "Borussiya"siga qarshi bahsdayoq qaytib, barchani hayratda qoldirishi mumkinligi haqida gap-so'zlar yuribdi.
Hozir "Bavariya" Bundesligada peshqadam, ikkinchi o'rindagi "Borussiya" esa undan sakkiz ochko ortda.
“Zamin”ni Telegramʻda oʻqing!
