Февраль ўрталаридан «Бавария» дарвозабони Мануэль Нойер жароҳат олганди. Дастлаб тажрибали посбон тахминан уч ҳафтага сафдан чиқиши айтилган, бироқ унинг тикланиши кутилганидан тезроқ кечаётгани эҳтимоли бор. Бу ҳақда euro-football.ru хабар беради.
Bild хабарига кўра, душанба куни Нойер майдонда дарвозабонлар мураббийи ва реабилитация бўйича мутахассис билан бирга машғулот ўтказди. У ҳали мураккаб юкламаларни бажаргани йўқ, аммо тўп билан ишлагани тикланиш жараёни ижобий кетаётганидан дарак беради.
Германияда Нойер 28-февраль, шанба куни Дортмунднинг «Боруссия»сига қарши баҳсдаёқ қайтиб, барчани ҳайратда қолдириши мумкинлиги ҳақида гап-сўзлар юрибди.
Ҳозир «Бавария» Бундеслигада пешқадам, иккинчи ўриндаги «Боруссия» эса ундан саккиз очко ортда.
“Zamin”ни Telegram'да ўқинг!
