"Shanxay Shenxua" Osiyo Chempionlar ligasida yetti turdan keyin pley-off yo'llanmasi uchun imkoniyatini boy bergan edi. 8-turda "Buriram Yunayted"ga qarshi bahs Slutskiy jamoasi uchun turnir bilan xayrlashish oldidan so'nggi urinish bo'ldi, biroq bu safar ham natija chiqmadi. Bu haqda euro-football.ru xabar beradi.
Uchrashuvda Tailand klubi 2:0 hisobida g'alaba qozondi. "Buriram" birinchi bo'limning dastlabki daqiqalaridayoq ikki bor darvozani ishg'ol qilib, o'yin taqdirini erta hal qildi.
Oradan ko'p o'tmay "Shanxay Shenxua" bir futbolchiga kamayib qoldi va bu vaziyat intriga qolishiga imkon bermadi. Mezbonlar hisobni ushlab qoldi, Slutskining jamoasi esa javob gollarini ura olmadi.
Ma'lumot uchun, Leonid Slutskiyning "Shanxay Shenxua" bilan amaldagi shartnomasi 2027 yil oxirigacha mo'ljallangan.
“Zamin”ni Telegramʻda oʻqing!
