"Shanxay Shenxua" Osiyo Chempionlar Ligasida yetti turdan so'ng pley-offga chiqish imkoniyatini boy berdi. 8-turda "Buriram Yunayted"ga qarshi uchrashuvda Leonid Slutskiy jamoasi turnir bilan xayrlashish oldidan hech bo'lmasa ijobiy taassurot qoldirishga urinib ko'rdi, biroq bu safar ham omadi kelmadi. Bu haqda euro-football.ru xabar beradi.
Tailand klubi 2:0 hisobida g'alaba qozondi. "Buriram Yunayted" birinchi bo'lim boshidayoq ikki bor raqib darvozasini ishg'ol qilib, o'yin taqdirini amalda hal qildi. Oradan ko'p o'tmay "Shanxay Shenxua" bir futbolchisi chetlatilgach, uchrashuvdagi intriga butunlay so'ndi.
Qayd etilishicha, Leonid Slutskiyning "Shanxay Shenxua" bilan amaldagi shartnomasi 2027 yil oxirigacha mo'ljallangan.
Uchrashuvdagi gollar: Gud Kertis (11-daqiqa) va Suphanat Mueanta (22-daqiqa).
“Zamin”ni Telegramʻda oʻqing!
