Saudiya Arabistoni chempionatining 23-turida Ar-Riyodning «Al-Nasr» jamoasi safarda turnir jadvalining eng quyi pog'onasida borayotgan «Al-Najma»ga qarshi maydonga tushdi. Bu haqda euro-football.ru xabar beradi.
Uchrashuv boshida Joau Felish o'ng qanotdan uzatilgan to'pni chap tomondan uchrashtrib tepib, to'pni to'singa tekkizib yubordi. Ko'p o'tmay Krishtianu Ronaldu 11 metrlik nuqtadan chap burchakka aniq zarba berib, hisobni ochdi — 0:1. 31-daqiqada Sadio Mane chap qanotdan hujumni davom ettirib, Marselo Brozovichga uzatma berdi, u esa jarima maydoni ichiga pastlatib pas uzatdi va Kingsli Koman burilib turib o'ng burchakni nishonga oldi — 0:2. Shundan so'ng «Al-Nasr» burchak zarbasini ham samarali yakunladi: Inyigo Martines 23 metrdan past zarba yo'lladi, darvozabon to'pni oyoqlari orasidan o'tkazib yubordi — 0:3.
Ikkinchi bo'limda Mane Ronalduni darvozabon bilan yuzma-yuz chiqardi, biroq portugaliyalik bu vaziyatdan foydalana olmadi. 52-daqiqada esa Navaf al-Bushayl o'ng tomondan jarima maydoniga yorib kirib, to'pni markazga Ronalduga uzatdi, Krishtianu zarba bermay, chap tomonga oshirdi va Mane 10 metrdan to'pni to'sin ostiga joylab qo'ydi — 0:4. Mezbonlar darvozasi oldida yana bir nechta xavfli epizodlar yuz berdi: Abdulloh al-Hamdan riko'shetdan so'ng to'sinni poyladi, Moxamed Simakan esa o'tkir burchakdan yo'llagan zarbasida darvozabonni sinovdan o'tkazdi. O'yin yakunida Garib burchakdan uzatgan to'pni Inyigo Martines boshi bilan uzoq burchakka yo'naltirib, hisobni yirik ko'rinishga keltirdi — 0:5.
Natijada «Al-Najma» turnir jadvalining oxirida qolmoqda, «Al-Nasr» esa eng yaqin ta'qibchisidan ikki ochko oldinda bormoqda.
“Zamin”ni Telegramʻda oʻqing!
