Saudiya Arabistoni chempionatining 23-turida “Al-Nasr” safarda turnir jadvalining eng quyi pog‘onasida borayotgan “Al-Najma” mehmoni bo‘ldi. Bu haqda euro-football.ru xabar beradi.
Uchrashuv boshida Joau Felish o‘ng qanotdan uzatilgan to‘pni chap tomondan yetti metrdan vole uslubida yo‘lladi, ammo zarba to‘siniga tegdi. Oradan ko‘p o‘tmay Krishtianu Ronaldu 11 metrlik jarimadan chap burchakka aniq zarba berib hisobni ochdi. 31-daqiqada Sadio Mane chap qanotdan Brozovichni tezlikka chiqarib yubordi, u esa darvozaga yaqin hududga uzatma berdi va Kingsli Koman burilib turib o‘ng burchakka yo‘lladi. Birinchi bo‘lim oxirlarida mehmonlar burchak to‘pini ham samarali yakunladi: Inyigo Martines 23 metrdan past zarba berdi, darvozabon esa to‘pni oyoqlari orasidan o‘tkazib yubordi.
Ikkinchi bo‘limda Mane Ronalduni darvozabon bilan yuzma-yuz chiqardi, biroq portugaliyalik vaziyatdan foydalana olmadi. 52-daqiqada Navvaf al-Bushayl jarima maydoniga yorib kirib, markazga pas uzatdi: Ronaldu zarba bermay, chap tomondagi Manega oshirdi va Mane to‘pni to‘sin ostiga aniq joylab, hisobni yiriklashtirdi. Keyinroq “Al-Nasr” yana bir necha xavfli vaziyat yaratdi, yakunda esa burchakdan uzatilgan to‘pni Inyigo Martines boshi bilan uzoq burchakka yo‘llab, o‘yinga nuqta qo‘ydi.
Natijada “Al-Najma” turnir jadvalida so‘nggi o‘rinda qolmoqda. “Al-Nasr” esa ta’qibchilaridan ikki ochko oldinda borib, peshqadamlikni saqlab turibdi.
“Zamin”ni Telegramʻda oʻqing!
