Chempionlar ligasining pley-off bosqichi javob o'yinlari seshanba va chorshanba kunlari bo'lib o'tdi. Ushbu uchrashuvlar yakuniga ko'ra haftaning eng yaxshi futbolchisi deb "Atletiko" hujumchisi Aleksandr Syorlot topildi. Bu haqda UEFA matbuot xizmati ma'lum qildi. Bu haqda euro-football.ru xabar beradi.
Seshanba kuni "Atletiko" o'z maydonida "Bryugge"ni 4:1 hisobida mag'lub etdi. Syorlot bu bahsda xet-trik qayd etib, g'alabaning asosiy qahramoniga aylandi.
Natijada "Atletiko" 1/8 final yo'llanmasini qo'lga kiritdi va bu bosqichda albatta Angliya klublaridan biriga ro'baro' keladi. "Matraschilar"ning ehtimoliy raqiblari — "Liverpul" yoki "Tottenhem". Qura tashlash marosimi 27 fevral kuni o'tkaziladi.
Ta'kidlash joiz, La Liga turnir jadvalida "Atletiko" hozircha to'rtinchi o'rinda bormoqda.
“Zamin”ni Telegramʻda oʻqing!
