Juma kuni Rossiya terma jamoasi 27 mart kuni o‘z uyida Nikaragua terma jamoasiga qarshi BetBoom o‘rtoqlik uchrashuvini o‘tkazishi rasman ma’lum qilindi. Ushbu yangilik yuzasidan sobiq rossiyalik futbolchi Vladimir Bystrov ham fikr bildirdi. Bu haqda euro-football.ru xabar beradi.
“Raqibni yaxshi tanimayman, ammo terma jamoa uchun o‘yin bo‘lishi aniq foydali. O‘rtoqlik uchrashuvlari, albatta, kerak. Nikaragua FIFA reytingida 131-o‘rinda ekani men uchun farq qilmaydi. Stadion to‘la bo‘lishiga ishonaman”, — deya Bystrovning so‘zlarini Metaratings keltirdi.
Ma’lumot uchun, Nikaragua terma jamoasi FIFA reytingida 131-pog‘onada bormoqda, Rossiya esa 36-o‘rinni egallagan.
Rossiya — Nikaragua o‘rtasidagi BetBoom uchrashuvi Krasnodarda bo‘lib o‘tadi.
Eslatib o‘tamiz, Rossiya terma jamoasi avvalgi yig‘inda Peru bilan 1:1 hisobida durang o‘ynagan, Chili bilan bahsda esa 0:2 hisobida mag‘lub bo‘lgan.
“Zamin”ni Telegramʻda oʻqing!
