"Bavariya" bosh direktori Yan-Kristian Drizen Chempionlar ligasi qurasi natijasida jamoa turnir jadvalining murakkab tomoniga tushib qolganiga munosabat bildirdi. Myunxen klubi "Atalanta"dan o‘tsa, keyingi bosqichda "Real" – "Manchester Siti" juftligi g‘olibiga qarshi maydonga tushadi. Bu haqda euro-football.ru xabar beradi.
Drizenning aytishicha, turnir setkasining o‘ng tomoni nisbatan osonroq ko‘rinadi va hech kim "Bavariya" chap tomonga tushganidan xursand, degan gapga ishonmaydi. Shunga qaramay, u kuchli raqiblarga qarshi o‘ynash va og‘ir o‘yinlar o‘tkazish ham jamoa uchun foydali tajriba ekanini ta’kidladi.
Klub rahbari hozircha barcha e’tibor "Atalanta"ga qaratilishini aytdi. Uning fikricha, bergamoliklarning "Borussiya"ga qarshi o‘yinlari bu raqibni jiddiy qabul qilish kerakligini ko‘rsatgan. Drizen "Atalanta" Yevropa ligasini yutganini, finalda esa "Bayer"ni mag‘lub etganini eslatib, bu jamoani "no-name" deb bo‘lmasligini qo‘shimcha qildi.
Ma’lumot uchun, ilk uchrashuv 10 mart kuni bo‘lib o‘tadi: "Atalanta" o‘z maydonida "Bayer"ni qabul qiladi.
“Zamin”ni Telegramʻda oʻqing!
