Marcelo Galyardo murabbiy sifatidagi so'nggi uchrashuvini o'tkazdi: uning jamoasi Banfil'dga qarshi bahsda 3:1 hisobida g'alaba qozonib, ketma-ket uch mag'lubiyatdan iborat omadsiz seriyaga nuqta qo'ydi. Bu haqda euro-football.ru xabar beradi.
Aynan o'sha salbiy natijalar Galyardoning lavozimiga ta'sir qilgani aytilmoqda, biroq klub unga muxlislar oldida munosib tarzda xayrlashish imkonini berdi. U esa o'yindan keyingi lahzalarda juda ta'sirli chiqish qildi.
"Hammangizga shunchaki rahmat. Sizning mehringizni so'z bilan to'liq ifodalash qiyin. Men butunlay ketmayapman. Riverdan hech kim abadiy ketmaydi. Bu sehrli maskan: ketsang ham, baribir klub bilan birga qolasan", dedi Galyardo ko'zlariga yosh olib.
Eslatib o'tamiz, Marcelo Galyardo 90-yillarda klub safida ham, Argentina terma jamoasida ham to'p surgan.
“Zamin”ni Telegramʻda oʻqing!
