Krishtianu Ronaldu yaqinda «Al-Nasr»ning bir nechta o‘yinlarida maydonga tushmay, klub boshqaruvidagi ayrim masalalardan norozi ekanini bildirgandi. Shu fon’da portugaliyalik yulduz yozda Saudiya Arabistonini tark etishi mumkinligi haqidagi gap-so‘zlar ham tarqaldi. Bu haqda euro-football.ru xabar beradi.
Biroq 365Scores xabariga ko‘ra, Ronaldu shartnomasi yakunigacha — ya’ni 2027 yil o‘rtalarigacha «Al-Nasr» safida qolish qarorini qabul qilgan. Hujumchiga Saudiya Arabistoni investitsiya fondi vakillari top futbolchilarni transfer qilish bo‘yicha aniq kafolatlar bergani aytilmoqda.
Ayni paytda «Al-Nasr» Saudiya Pro-ligasi turnir jadvalida peshqadam bo‘lib turibdi. Ikkinchi o‘rindagi «Al-Ahli» ikki ochko ortda, uchinchi «Al-Hilol» esa uch ochko kam jamg‘argan.
“Zamin”ni Telegramʻda oʻqing!
