Vest Xem hujumchisi Callum Wilson Angliya Premer-ligasi hakamlarining qarorlaridagi nomutanosiblikni tanqid qildi. U Arsenalga qarshi o‘yinda kiritgan goli VAR tomonidan bekor qilinganidan norozi ekanligini bildirdi. Hakam Chris Kavanagh dastlab golni hisobga olgan bo‘lsa-da, videotakrorlardan so‘ng Pablo darvozabon David Raya’ga xalaqit bergan deb topdi va golni bekor qildi. Bu haqda Goal.com xabar beradi.
Wilson o‘z intervyusida bu vaziyatda hakamlar juda qat'iy bo‘lganini ta'kidladi. Uning so‘zlariga ko‘ra, jarima maydonchasida bunday kurashlar tez-tez uchraydi va boshqa jamoalar ham xuddi shunday usullardan foydalanadi. Futbolchi agar hakamlar har bir kichik kontaktni qoida buzilishi deb baholasa, o‘yinda gol urish deyarli imkonsiz bo‘lib qolishini aytdi.
Shuningdek, hujumchi vaziyatni tahlil qilar ekan, Leandro Trossard va Gabriel ham o‘sha pallada raqib futbolchilariga nisbatan qo‘pollik ishlatganini eslatib o‘tdi. Uning fikricha, agar Pablo’ning harakati qoida buzilishi bo‘lsa, unda boshqa futbolchilarning harakatlari ham jazolanishi kerak edi.
PGMOL rahbari Howard Webb esa hakamlar qarorini to‘liq qo‘llab-quvvatladi. Uning ta'kidlashicha, darvozabonning qo‘lidan ushlab turish aniq qoida buzilishi hisoblanadi va hakamlar darvozabonlarni himoya qilishlari shart. Biroq, Wilson bu izohga qo‘shilmay, hakamlikda yagona standart yo‘qligidan shikoyat qilishda davom etmoqda.
“Zamin”ni Telegramʻda oʻqing!
