Elon Musk va OpenAI advokatlari sud jarayonida yakuniy nutqlarini so‘zlashdi. Endilikda hakamlar hay’ati OpenAI notijorat tashkilotdan foyda ko‘rishga yo‘naltirilgan tuzilmaga aylanish jarayonida qonunbuzarliklarga yo‘l qo‘yganmi yoki yo‘qligini hal qilishi kerak. Bu haqda Techcrunch.com xabar beradi.
TechCrunch’ning Equity podkastida muhokama qilinganidek, sudning so‘nggi kunlarida asosiy e’tibor OpenAI bosh direktori Sam Altman’ning ishonchliligiga qaratildi. Musk’ning advokati Stiv Molo Altman’ning Kongressdagi chiqishlari chog‘ida bergan bayonotlarining rostgo‘yligini shubha ostiga oldi.
Ekspertlar fikricha, ishonch masalasi nafaqat Altman, balki barcha sun’iy intellekt laboratoriyalari uchun dolzarbdir. Ko‘plab texnologiya jurnalistlari va siyosatchilar xususiy kompaniyalar faoliyati yopiq eshiklar ortida qolayotganidan xavotirda.
Sud jarayoni OpenAI ichidagi hokimiyat uchun kurash va Sam Altman’ning boshqaruv uslubi atrofidagi ziddiyatlarni yuzaga chiqardi. Altman o‘zining mojarolardan qochishga moyilligi va odamlarga yoqadigan gaplarni aytish odati borligini tan olgan bo‘lsa-da, bu uning atrofidagi ishonchsizlikni to‘liq bartaraf etmayapti.
“Zamin”ni Telegramʻda oʻqing!
