Qatar terma jamoasi ustozi Oʻzbekistonga qarshi oʻyin oldidan nima haqida gapirishni istamadi?

Xabaringiz bor, ertaga Oʻzbekiston – Qatar oʻrtoqlik uchrashuvi boʻlib oʻtadi. Bugun ushbu bellashuv oldidan ikkala terma jamoa bosh murabbiylari oʻrtasida matbuot anjumani boʻlib oʻtdi. Matbuot anjumanining ikkinchi qismida mehmonlar ustozi Feliks Sanches Bas va futbolchi Abdulrahmon Muhammad jurnalistlar savollariga javob berishdi.

Feliks Sanches: - Oʻzbekiston bilan boʻladigan bahs juda ham qiziqarli boʻlishiga ishonaman. Ertaga yaxshi natija koʻrsatishga harakat qilamiz.

Muhammad Albakri: - Ertangi oʻyinga biz juda ham koʻp tayyorgarlik koʻrdik. Oʻzbekistonga qarshi oʻyin qiyin kechadi deb oʻylayman.

Feliks Sanches: - Biz doimo himoyada ham hujumda ham balansni ushlashga intilamiz. Ekvadorga qarshi oʻyindan soʻng biz ayrim oʻyinchilarga dam berishga harakat qildik. Ular biz uchun muhim futbolchilar. Ularni Osiyo chempionlar ligasida ham muhim bellashuvlar kutib turibdi. Bizda ularni oʻrnini bosa oladiganlar yetarlicha topiladi.

Men Qatar terma jamoasida ancha yildan beri ishlayapman. Qatarda meni barcha narsa qoniqtiradi va men shartnomam haqida gapirishni istamayman.

Muhammad Albakri: - Qatarda avlodlar almashinuvi ketmoqda. Jamoamizga mukammallikka erishish uchun ozgina vaqt kerak va tez orada siz Qatarning haqiqiy kuchini koʻrasiz. “Zamin” yangiliklarini “Youtube”da kuzatib boring