2 808
“Rostov” va “Loko” legionerlardan voz kechishga majbur. Shomurodov va Jaloliddinov nima qiladi?
Rossiya premer-ligasi klublari yaqinlashayotga mavsum oldidan tarkibini kuchaytirish uchun yangi futbolchilarni xarid qilishga kirishib ketdi. Taklif etilayotgan futbolchilar orasida legionerlar ham bor. Bunga o‘zbekistonlik Jasur Jaloliddinovning Moskvaning “Lokomotiv” jamoasiga olinganini misol qilish mumkin.
Masalaning ikkinchi tomoni bor. Yangi qoidalarga ko‘ra, Rossiya chempionatida legionerlarga limit kiritildi. Unga ko‘ra, rus klublari ro‘yxatida sakkiztadan ortiq legioner bo‘lishiga yo‘l qo‘yilmaydi. Ilgari bunday taqiq yo‘q edi.
Shu bois Rossiya premer-ligasining aksariyat jamoalari legionerlar limitiga ko‘ra, qaysi xorijlik futbolchilarni jamoada olib qolish bo‘yicha yakuniy qarorga kelgani yo‘q. Bu masalalar bir necha kundan so‘ng start oladigan yangi mavsum boshlangunicha hal etilishi lozim.
Albatta, legionerlar limiti Rossiya chempionatida to‘p surayotgan o‘zbek futbolchilari - Eldor Shomurodov, Oston O‘runov va ular safiga qo‘shilgan Jasur Jaloliddinovga ham tegishli. Xususan, “Rostov”da xorijdan kelgan 11 o‘yinchi – Xadjikadunich, Xasimoto, Saletros, Ezzatollaxi, Normann, Yeremenko, Popov, Shomurodov, Sigurdarson, Kyartansson, Tasevski bor.
Agar rostovliklar o‘z yetakchilari Shomurodov va Normanni yozgi transferlar vaqtida boshqa jamoalarga sotmasa, ular "Rostov"ning asosiy futbolchilari bo‘lib qolveradi. Yeremenko va Popov kabi chet elliklar ham shunday imkoniyatga ega. Chunki bu to‘rt legioner asosiy tarkibning eng muqim o‘yinchilari hisoblanadi. Yangi olingan Xasimoto va Tasevskida ham kamida bir mavsum o‘zini ko‘rsatish imkoni bo‘ladi. “Rostov” legioner limitiga “sig‘ish” uchun Saletros, Ezzatollaxi va Kyartansson ijaraga berib yuborishi kutilmoqda.
Chempionlar ligasida ishtirok etadigan “Lokomotiv” Ribus va Eder bilan shartnoma uzaytirib, "Bunyodkor"dan Jasur Jaloliddinovni sotib olmagunicha moskvaliklarda limit masalasi dolzarb emasdi. Hozir bu klubda chetdan imkon izlab kelgan o‘n futbolchi - Kverkveliya, Murilo, Chorluka, Ribus, Idovu, Krixovyak, Jaloliddinov, Farfan, Jorjevich, Eder bor.
Mutaxassislar “Loko” o‘yin amaliyotiga ega bo‘lmayotgan Jorjevichni bir yillik ijaraga berib yuborishini kutmoqda. Shuningdek, Farfan ham shartnomasi tugagunicha yarim yilga biror jamoaga jo‘natilishi mumkin. Hozircha, rossiyalik ekspertlar Jasur Jaloliddinovga asosiy tarkib o‘yinchisi sifatida qaramoqda. Biroq, moskvaliklar uni yarim yilga “Bunyodkor”ga yoki boshqa jamoaga ijaraga berish ehtimoli ham yo‘q emas.
Rossiya premer-ligasida “Rostov” va “ Lokomotiv”dan tashqari “Zenit”, “Krasnodar”, “Dinamo”, “Rubin” va “Axmat” kabi klublarda legioner limiti masalasi kun tartibida turibdi.
Oston O‘runovning jamoasi “Ufa”da bu borada muammo yo‘q. Biroq, Oston yaqin o‘rtada jamoasini almashtirishi kutilmoqda. Uning taqdirini “Spartak” bilan bog‘lashmoqda. So‘ggi paytda esa Bundesligadan yaxshi taklif borligi ham ayon bo‘ldi. Buyog‘ini vaqt ko‘rsatadi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiya dunyodagi birinchi vodorod yoqilg‘ili avtomobilni taqdim etdi
Qaysi kundalik odatlar immunitet pasayishiga olib kelishini bilasizmi?
Amerikalik olimlar barcha uchun birdek foydali jismoniy faollik turini aniqladi
Zoir Mirzayev “Telefonsiz maktab”ga 300 mln so‘m mukofot berdi
AQSHning G‘azodagi siyosatidan norozi Davlat departamenti rasmiysi iste’foga chiqdi
Mariya Zaxarova ukrainaliklarni Amerika hindulariga o‘xshatdi
Germaniyada maktab o‘quvchilari ommaviy ravishda islom dinini qabul qilmoqda
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi