Google bitta tugmani bosish orqali har qanday hujjatni podkastga aylantiradigan xizmatni ishga tushirdi

Google kompaniyasi sentyabr oyida NotebookLM xizmati uchun yangi vosita — Audio Overview’ni taqdim etgandi. Endi foydalanuvchilar har qanday hujjat, matn yoki maqola koʻrsatilgan havolani sun'iy intellekt boshlovchilar yordamida podkastga aylantirishlari mumkin.

Google tomonidan ishlab chiqilgan NotebookLM xizmati foydalanuvchilarga murakkab ma'lumotlarni tizimlashtirishda, tadqiqotdan asosiy fikrlarni ajratib olish, asosiy iqtiboslarni tanlashda yordam beradi. Audio Overview funktsiyasi esa hujjatlarni umumlashtirishning yana bir usuli hisoblanadi — unda ikkita sun'iy intellekt ovoz ishtirokida mavzu boʻyicha suhbat quriladi.

«Audio munozara»ni yaratish uchun havola yoki matnni yuklab, Deep Dive Sonversation tugmasini bosish kifoya — ikki daqiqa ichida tizim berilgan mavzu muhokama qilingan audiofaylni taqdim etadi. Google Labs’ning tahririy direktori Stiven Jonsonning ta'kidlashicha, NotebookLM faqat foydalanuvchi yuklagan ma'lumotga tayanadi va tashqaridan qoʻshimcha ma'lumot izlamaydi — bu uning boshqa chat-botlardan farqidir. «Audio munozara» hozircha faqat ingliz tilida test rejimida ishlamoqda, ammo materiallarni boshqa tillarda ham yuklash mumkin.

«Siz uyga vazifangizni mashgʻulot zalida tinglash mumkin boʻlgan podkastga aylantirishingiz mumkin. Yoki shahar kengashining yigʻilishini olib, uni keng ommaga podkast formatda etkazishingiz mumkin, bunda ovoz yozish studiyasiga pul sarflamaysiz», — deya qoʻshimcha qiladi Stiven Jonson.

Foydalanuvchilar yangi funktsiyani ijobiy qabul qilib, uni sinab koʻrishni boshlab yubordi. NotebookLM yordamida Wikipedia’dagi tarixiy ma'qolalar mavzusi boʻyicha podkast ham ishga tushirildi.

Google sun'iy intellekt boshlovchilarining muloqotini haqiqiy suhbatga aylantirishga urinmoqda. Jonsonning soʻzlariga koʻra, agar boshlovchilar ideal stsenariydagi matnni navbatma-navbat oʻqib bersa, hech kim uni tinglamaydi. Shu bois Google boshlovchilari orada uzilishlar qiladi, bir-birining gapini boʻladi, hissiy hayratga tushadi. “Zamin” yangiliklarini “Telegram”da kuzatib boring