Ha, bu fantastika emas. Olimlar avval bor sun’iy intellekt yordamida to‘liq genetik tizimni boshqara oladigan "tirik AI" yaratishga muvaffaq bo‘lishdi.
Bu texnologiya PROTEUS deb nomlangan va u murakkab mutatsiya jarayonlarini sun’iy intellekt orqali boshqarishga asoslangan. Ya’ni, inson organizmidagi hujayralar endi o‘zlari muammoni topib, uni hal qilishni “o‘rgana” boshlaydi. Ushbu jarayonda Reinforcement Learning — ya’ni mukofot orqali o‘rganish usuli qo‘llanilgan: faqat eng samarali va foydali o‘zgarishlar tanlab olinadi va saqlanadi.
Buning ortida qanday imkoniyatlar yotadi? Masalan, inson organizmi issiqlikka nisbatan oldingidan ancha tezroq moslashishi mumkin. Yoki doimiy ravishda bezovta qiluvchi burun oqishidan butunlay xalos bo‘lishingiz ham real imkoniyatga aylanadi. Boshqacha aytganda, inson tana a’zolarini "dasturlash" mumkin bo‘ladi.
Shuningdek, ushbu texnologiya organizmning ichki muhofaza mexanizmlarini qayta ko‘rib chiqishga ham yo‘l ochadi. Tabiiy mutatsiyalar ming yillar davomida sodir bo‘ladigan o‘zgarishlar edi. PROTEUS esa bu jarayonni sun’iy ravishda tezlashtirib, faqat kerakli mutatsiyalarni saqlash orqali yangi turdagi biologik optimizatsiyani amalga oshiradi.
Olimlar bu usuldan nafaqat tibbiyotda, balki kelajakda kosmik ekspeditsiyalarda ham foydalanish niyatida. Masalan, Mars muhitiga inson tanasini moslashtirish uchun hujayralarni kerakli tarzda “qayta kodlash” mumkin bo‘ladi.
Shu bilan birga, mutaxassislar ushbu texnologiyani keng qo‘llashdan oldin etik va huquqiy jihatlarni puxta o‘rganish zarurligini ta’kidlashmoqda. Chunki "tirik AI" – bu endi faqat texnika emas, balki hayotning o‘zidir.
Bu ilmiy yutuq inson va mashina o‘rtasidagi chegarani yanada noaniqlashtirmoqda. Va ehtimol, kelajakda har bir inson tanasi o‘zining shaxsiy "dasturi"ga ega bo‘ladi.
Bu faqat boshlanishi. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
