Moskvaning CSKA klubi sobiq futbolchisi Valeriy Masalitin Rossiya terma jamoasi va PSJ darvozaboni Matvey Safonovning kelgusi faoliyati haqida fikr bildirdi. "Albatta, Safonovga Yevropada qolish yaxshiroq, agar takliflar mavjud bo'lsa.
Germaniya yoki Ispaniyani ko'rib chiqishi mumkin. Bilmayman, u hozir Angliyaga o'ta oladimi, ehtimol u yerdan takliflar tushmas.
Portugaliyaning kuchli uchligidagi klublarni ham variant sifatida ko'rib chiqish mumkin", - deydi Masalitin "Gazeta.Ru" nashriga. Eslatib o'tamiz, Safonovning PSJ klubidan ketishi haqidagi mish-mishlar yoz faslidan beri davom etmoqda.
Hozircha rossiyalik darvozabon joriy mavsumda Luis Enrike boshqaruvidagi jamoa safida birorta ham uchrashuvda maydonga tushgani yo'q. Uning asosiy raqibi esa "Lill" klubidan 40 million yevro evaziga sotib olingan Lyuka Shevalye hisoblanadi.
Masalitinning so'zlariga ko'ra, Safonovning hozirgi holati PSJ klubida o'zi uchun qulay bo'lishi ham mumkin.
