Ўзбекистон Марказий банки микроқарз фаолияти билан шуғулланиши мумкин бўлган учта компанияни рўйхатга олди. Ушбу қарор регуляторнинг назорат қўмитаси томонидан қабул қилинди.
Рўйхатга Fincom Invest Микромолия Ташкилоти, Vafo Молия ва Qanot Finans микромолия ташкилоти киритилди. Fincom Invest микромолия ташкилоти 2 миллиард сўм устав капитали билан жорий йилнинг август ўрталарида ташкил этилган.
Унинг 100% улуши Ким Станиславга тегишли. Vafo Молия компанияси жорий йил бошида рўйхатдан ўтган бўлиб, унинг асосчиси Фируза Артиковадир.
Qanot Finans эса июл ойида 2 миллиард сўм устав фонди билан ташкил этилган. Компаниянинг 70% улуши Боғибек Матмуродовга, 30% улуши эса Дилмурод Матмуродовга тегишли.
Рўйхатга киритилиш ушбу компанияларга Ўзбекистон ҳудудида микроқарз хизматларини кўрсатиш имконини беради.
