Тошкентда йўл ҳақини тўламай юрганлар кескин кўпайди

Тошкент жамоат транспортида тўлов интизоми бўйича олиб борилаётган кучайтирилган рейдлар атиги 10 кун ичида салкам 3 минг қоидабузарни аниқлади. Бу ҳақда Транспорт вазирлиги маълумот берди.

Маълум қилинишича, автобус, метробус ва бошқа йўналишларда махсус инспекторлар кундалик текширувлар ўтказиб, йўл ҳақини қасддан тўламасдан ҳаракатланган фуқароларга нисбатан маъмурий чора кўрилган.

Вазирлик аҳолини белгиланган тартибга риоя қилишга чақириб, йўл ҳақини ўз вақтида амалга ошириш жамоат транспорти барқарорлиги ва хизмат сифати учун жуда муҳим эканини қайд этди. Рейдлар яқин кунларда ҳам давом эттирилади.