Ўзбекистон Президенти ҳузуридаги Стратегик ислоҳотлар агентлиги Стратегик ривожланиш ва ислоҳотлар агентлиги сифатида қайта ташкил этилади. Бу янги стратегик режалаштириш ва ривожланиш тизимининг бир қисмидир.
Мазкур тизим стратегик ҳужжатларни ишлаб чиқиш, амалга ошириш, мониторинг қилиш ва баҳолашни ўз ичига олади. Улар уч босқичга бўлинади.
Президент ҳузуридаги Стратегик режалаштириш ва ривожланиш бўйича мувофиқлаштирувчи кенгаш давлат идоралари ва маҳаллий ҳокимиятларнинг келишилган ҳолда ишлашини таъминлайди. Тасдиқланган стратегик ҳужжатлар лойиҳалари президентга якуний тасдиқ учун юборилади.
Агентликни қўллаб-қувватлаш жамғармаси ҳам янги номга эга бўлади ва лойиҳаларни молиявий ва ташкилий жиҳатдан қўллаб-қувватлаш орқали уларнинг амалга оширилишига кўмаклашади. Кенгаш стратегик ҳужжатлар лойиҳаларини кўриб чиқади ва тасдиқланган лойиҳаларни президентга юбориб туради.
Меҳмон гуруҳидаги фойдаланувчилар ушбу мақолага изоҳ қолдира олмайди.
