08:50 / 19.07.2019
2 113

Ўзбекистон электроэнергетикаси келажаги белгиланмоқда

Ўзбекистон электроэнергетикаси келажаги белгиланмоқда
18 июль куни 2019-2021 йилларга мўлжалланган Ўзбекистон Республикасида таркибий ислоҳотларнинг асосий йўналишларини амалга оширилишини таъминлаш бўйича Иқтисодий кенгашининг биринчи мажлиси бўлиб ўтди.

Кенгаш йиғилиши кун тартибида Ўзбекистонда энергетика масаласини ҳам муҳокама қилиш белгиланганди. Шунга мувофиқ, электроэнергия соҳасида ислоҳотлар, инвестицион дастурлар, давлат-хусусий шерикчилиги ва хусусийлаштириш йўллари ҳақида мулоҳазалар билдирилди.

Йиғилишда электроэнергия соҳасини тубдан ислоҳ этиш бўйича режа лойиҳаси муҳокама қилинди. Унга кўра, соҳада корпоратив бошқарув шаклини жорий этиб, хусусийлаштириш йўлидан бориш маъқулланган. Масалан, келгусида очиқ акциядорлик шаклидаги иссиқлик электростанциялари фаолияти пайдо бўлиши мумкин. Шунингдек, соҳада тижорийлаштиришга рухсат берилади.

Электроэнергия тариф нархларини эркинлаштириб, соҳага хусусий сектор кириб келиши учун маълум шароитлари яратилади.

Таъкидланишича, Халқаро молия корпорацияси иштирокида Навоий вилоятида 100 МВт қувватли фотоэлектростанция қурилиши ҳам муҳокама қилинган. Шунингдек, ХМК ва Осиё тараққиёт банки кўмагида давлат-хусусий шерикчилиги шаклини ривожлантирган ҳолда қуёш электростанциялар қувватини 2000 МВт (2 ГВт) га етказиш масаласи кўриб чиқилди.

Ўзбекистон ҳукумати 2030 йилга бориб, 7 ГВт энергияни қуёш электростанциялардан олишни режалаштирмоқда.

Бирлашган Араб Амирликларининг «Масдар» компанияси билан ҳамкорликда 500 МВт қувватли шамол электростанциясини қуриш лойиҳаси ҳам ишлаб чиқилган. Ушбу лойиҳа ҳукуматлар ўртасидаги битимга кўра амалга оширилиши кўзда тутилган. Амирликнинг «Мубдала» компанияси эса Талимаржон ИЭСда янги лойиҳани амалга оширишни режалаштирмоқда.

Шамолдан энергия олиш лойиҳалари Қорақалпоғистон Республикаси, Бухоро ва Навоий вилоятларида, қуёшдан энергия олиш масаласи Бухоро, Қашқадарё, Навоий, Самарқанд ва Сирдарё вилоятлари ҳудудида амалги оширилиши назарда тутилган.

Маълумот учун, Иқтисодий кенгашнинг асосий вазифаси - Халқаро экспертлар гуруҳи иштирокида иқтисодий соҳадаги «Ислоҳотлар йўл харитаси» нинг муайян йўналишлари бўйича стратегиялар, тушунчалар, дастурлар, ёндашувлар ва бошқа ҳужжатларни ишлаб чиқиш.

Шунингдек, Иқтисодий Кенгашнинг вазифаларига қуйидагилар ҳам киради:

— ижтимоий-иқтисодий ислоҳотларни амалга оширишга тўсқинлик қилувчи муаммолар ва хавфларни таҳлил қилиш ва аниқлаш, шу асосда таклифларни тайёрлаш ижтимоий-иқтисодий соҳадаги келажакдаги ўзгаришлар ҳақида, идоравий даражада ва кенг жамоатчилик иштирокида батафсил муҳокамалар ўтказиш,

— ислоҳотларнинг йўл харитасини амалга ошириш давомида ишлаб чиқилган меъёрий-ҳуқуқий ҳужжатлар лойиҳаларини, халқаро молия институтлари, экспертлар гуруҳлари ва оммавий ахборот воситалари билан ислоҳотларни амалга ошириш бўйича самарали ҳамкорликни ташкил этиш, шу мақсаддаги семинар ва учрашувлар ўтказиш.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Ўзбекистон » Ўзбекистон электроэнергетикаси келажаги белгиланмоқда