Ўзгидромет 24–27 ноябрь орасида юртимизда қайд этиладиган об-ҳаво прогнозлари юзасидан навбатдаги маълумотини эълон қилди. Таҳлилларга қараганда, ҳафта бошида ҳудудларнинг асосий қисмида осмон очиқ, ҳаво ўзгарувчан ва барқарор бўлиб туради, ёғингарчилик эса кутилмаяпти.
Қорақалпоғистон Республикаси ва Хоразм вилоятида осмоннинг ҳолати ўзгарувчан бўлади, яъни кун давомида турли вақтда булутланиш мумкин, аммо ёмғир ёғмайди. Шамол шарқ томондан 7–12 м/с атрофида эсади. 24–26 ноябр кунлари кечаси 0–5 даража илиқ, айрим нукталарда 2 даража совуққа тушиши эҳтимоли бор. Кундузги ҳарорат 12–17 даража илиқ бўлиши кутилмоқда. 27 ноябрда кечаси 3 даража совуқдан 2 даража илиққача, кундузи эса 10–15 даража илиқ бўлади.
Бухоро ва Навоий вилоятларида ҳам ҳаво ўзгарувчан, лекин ёғингарчиликсиз. Шамол шарқдан ўртача 7–12 м/с тезликда эсиб туради. Кечалари 0–5 даража илиқ, кундузи эса 13–18 даража илиқ бўлиши белгиланган.
Тошкент, Самарқанд, Сирдарё ва Жиззах вилоятларида кун давомида об-ҳаво барқарор: ёмғир кутилмайди, шамол шарқдан ўртача тезликда эсади. Ҳарорат кечаси 0–5 даража илиқ, кундузи эса 13–18 даража илиқ атрофида бўлади.
Қашқадарё ва Сурхондарё вилоятларида ҳам шунга ўхшаш иқлим кузатилади — осмон очиқ, ёғингарчилик кутилмайди. Шарқий йўналишдан шамол 7–12 м/с тезликда эсади. 24–26 ноябрь кечалари 2–7 даража илиқ, 27 ноябрда эса 0–5 даража илиқ. Кундузи ҳарорат 14–19 даражагача илийди.
Андижон, Наманган ва Фарғона вилоятларида ҳам ҳаво ўзгарувчан, асосан ёғингарчиликсиз. Айрим минтақа ва қишлоқларда туман тушиши мумкин. Шамол шарқдан 5–10 м/с атрофида эсади. Кечалари 0–5 даража илиқ, кундузи эса 11–16 даражагача илиқлик кузатилади.
Тоғли ҳудудларда осмон ёпиқ-очиқ ҳолда ўзгариб туради, ёмғир ёғиши кутилмаяпти. Шамол шарқдан 7–12 м/с тезликда эсади. Кечаси 0–5 даража илиқ, кундузи эса 8–13 даража атрофида илиқлик кузатилади.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
