NASA дунёдаги энг йирик олтин кони Мурунтовнинг рангли тасвирини эълон қилди

^{Фото: Earth Observatory}
22 июлда NASA томонидан Operatsion Land Imager Мурунтов олтин конининг табиий рангли тасвирини олгани маълум бўлди. Бу ҳақда Earth Observatory хабар берди.

Ўзбекистоннинг сунъий йўлдош тасвирларида қумли далалар ва чангли текисликлар орасида катта думалоқ бўшлиқ кўзга ташланади. Бу дунёдаги энг йирик олтин манбаларидан бири бўлган Мурунтов олтин кони.

Унда рудани яқин атрофдаги қайта ишлаш корхоналарига ташиш учун юзлаб юк машиналари ва конвейер тизимидан фойдаланилади. Кейин ишчилар олтин ва бошқа қимматбаҳо металларни қазиб олиш учун йиғма ювиш деб аталадиган жараёндан фойдаланади.

Ердаги энг йирик олтин конларидан бири Мурунтов кони ҳисобланади. Кон 1958 йилда топилган ва қазиб олиш ишлари 1967 йилда бошланган.

Ҳозир унинг кенглиги 3,5 километр ва чуқурлиги 600 метр. 2021 йилда кондан 3 миллион унция (85 минг килограмм) олтин қазиб олинган.

^{Фото: Earth Observatory}
Геологларнинг фикрига кўра, олтин миллионлаб йиллар давомида содир бўлган воқеалар занжири туфайли бу ҳудудда ер юзасига яқин жойлашган.

Астрономлар олтиннинг биринчи навбатда сайёрада қандай пайдо бўлганини ўрганмоқда. Қуёшдаги ядро синтези кўплаб элементларни синтез қилиши мумкин бўлса-да, бу жараён олтин каби оғир элементларни яратиш учун етарли энергия ишлаб чиқармайди.

Баъзи астрономларнинг фикрича, нейтрон юлдузлари ва ўта янги юлдузлар ўртасидаги тўқнашувлар бу энергияни таъминлаган бўлиши мумкин.

Ер тарихининг бошида сайёрадаги ҳар қандай олтин ядрога чўкиб кетган бўлар эди, аммо 4 млрд йил олдин метеоритларнинг кучли бомбардимон қилиниши, эҳтимол, нарсаларни қўзғатган ва оз миқдордаги металлни мантияга сурган.

Бир ҳисоб-китобга кўра, олтин Ер қобиғининг атиги 0,000004 фоизини ташкил қилади. Маълум бўлган олтин захираларининг қарийб 80 фоизи қазиб олинган. “Замин” янгиликларини “Telegram”да кузатиб боринг