Тошкент шаҳридан Сеул шаҳрига йўналган самолёт учиб кетиш аэродромига қайтарилди. Uzbekistan Airways маълум қилишича, қўшимча техник текширув (диагностика) зарурати туфайли 29 август куни амалга оширилиши режалаштирилган HY513 Тошкент—Сеул рейси кечиктирилган ҳолда бажарилади. Ҳаво кемаси тўлиқ хавфсизлик ва йўловчилар учун қулайликни таъминлаш мақсадида старт берган аэропортга қайтарилгани таъкидланди.
30 август ҳолатига кўра янгиланган жадвал
HY513 Тошкент—Сеул
— Тошкентдан учиш: 03:00
— Сеулга етиб бориш: 13:00
HY514 Сеул—Тошкент
— Сеулдан учиш: 14:05
— Тошкентга етиб келиш: 17:15
Авиаташувчига кўра, хавфсизлик биринчи ўринда, шу боис парвоз режасидаги ушбу ўзгаришлар йўловчилар манфаати ва парвоз барқарорлиги учун амалга оширилди. Рейслар бўйича янгиланишларни расмий манбалар орқали кузатиб бориш тавсия этилади.
«Замин»ни Telegram’да ўқинг!
