Патагония текисликларидан 70 миллион йил аввал яшаган ва ҳатто динозаврларни овлай олган йирик тимсоҳга ўхшаш судралувчининг тошга айланган қолдиқлари топилди. Аргентиналик палеонтологлар ушбу қадимги йиртқичнинг янги турини кашф етди ва у Kostensuchus atrox деб номланди.
Тадқиқотчиларнинг маълум қилишича, ушбу кашфиёт Чоррильо геологик тузилмаси конларида амалга оширилган. Бу ҳудуд Бўр даврининг охирларида иссиқ ва нам иқлимга эга бўлиб, динозаврлар, илк сутэмизувчилар ва бошқа сувга боғлиқ тирик организмлар учун жуда қулай макон бўлган.
Қолдиқлар жуда яхши сақланиб қолган: улар бош суяги, тишлар, жағлар ва тананинг бир қисмини ўз ичига олади. Бу олимларга қадимги йиртқичнинг тузилиши ва турмуш тарзини батафсил ўрганиш имконини беради. Ушбу маълумотлар орқали олимлар 70 миллион йил илгари Патагонияда қандай ҳайвонлар ҳукмрон бўлганини ҳам кузатишлари мумкин.
Тадқиқотчилар тахмин қилишича, Kostensuchus atrox узунлиги 3,5 метргача ва оғирлиги 250 килограммга етади. Катта тишли ва кучли жаглари унинг ҳатто ўртача катталикдаги динозаврларни ҳам овлаш имконини берган. Бу эса уни Бўр даврининг энг қўрқувчан ва самарали йиртқичларидан бирига айлантирган, деб хабар берди korrespondent.net.
Қадимги йиртқичнинг ушбу тошга айланган қолдиқлари нафақат палеонтологларга илмий тадқиқотлар олиб боришда янги имкониятлар яратади, балки тарих ва эволюция ҳақидаги билимимизни ҳам сезиларли даражада бойитади. Бу топилма Патагония ва унинг бой биологик мероси ҳақидаги қизиқишни янада оширади.
«Замин»ни Telegram’да ўқинг!
