Швецияда «Чиқиндилар қироличаси» экологик жиноят доирасида суд қилинмоқда

1 дақиқа ўқиш162
Швецияда «Чиқиндилар қироличаси» экологик жиноят доирасида суд қилинмоқда
Фото: Getty Images
Швецияда «Чиқиндилар қироличаси» дея таърифланадиган тадбиркор тоғли ҳудудларга чиқиндиларни ноқонуний ташлаганлик айблови билан суд қилинмоқда. Бу мамлакат тарихидаги экологик жиноятларга боғлиқ энг катта иш ҳисобланади.

Белла Нилссон — «оғир экологик жиноят»да айбланаётган 11 кишидан бири. У 2015 йилдан 2020 йилга қадар 21 та ҳудудга 200 минг тоннадан ортиқ чиқиндини белгиланмаган жойга ташлаш ёки кўмишда айбланган Think Pink компанияси бош директори бўлган.

Прокурорларнинг сўзларига кўра, компаниянинг чиқиндиларни нотўғри бошқариши натижасида ҳавода, тупроқ ва сувда хавфли миқдордаги канцероген кимёвий моддалар, жумладан, қўрғошин, мишяк ва симоб миқдори ортиб кетган. Think Pink’нинг табиий қўриқхона яқинида жойлашган чиқиндиқохнаси ўз-ўзидан алангаланиш оқибатида икки ой давомида ёнган.

Олдинроқ Нилссон Швеция ОАВга мурожаатида ўз компанияси қонун доирасида иш кўрганини маълум қилганди. Прокурорларнинг таъкидлашича, Белла Нилссон 2020 йилда ҳибсга олинганидан кейин банкрот бўлган Think Pink компанияси «атроф-муҳит қонунчилигига мувофиқ [чиқиндиларни] бошқариш қобилиятига эга бўлмаган».

Чиқиндиларндан қутулиш учун қурилиш компаниялари, муниципалитет ва жисмоний шахслар Think Pink’ни ёллаган: қурилиш материалларидан тортиб электроника, металлар, пластик, ёғоч, шиналар ва ўйинчоқлар. Суд қилинаётган 11 нафар жавобгарнинг ҳеч бири ўз айбига иқрор бўлмаган. Улар орасида Белла Нилссоннинг собиқ турмуш ўртоғи Томас Нилссон ҳам бор.

Мазкур можарога боғлиқ тергов ҳужжатлари 45 минг варақдан ошган. Прокурор Андерс Густафссоннинг қайд этишича, айбланувчилар чиқиндиларни ташлашдан ташқари ҳокимиятни чалғитиш ва пул ишлаш мақсадида ҳужжатларни сохталаштирган. Бир нечта муниципалитетлар етказилган зарар учун 25,4 миллион доллар талаб қилмоқда.
Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?