Бермуд учбурчаги сирлари: афсонами ёки ҳақиқий ҳодисами?

2 дақиқа ўқиш1.2K
Бермуд учбурчаги сирлари: афсонами ёки ҳақиқий ҳодисами?

Атлантика океанининг шимоли-ғарбий қисмида жойлашган, Майами, Бермуд ва Пуэрто-Рико оралиғидаги ҳудуд дунёда “Бермуд учбурчаги” номи билан машҳур. Бу ном шунчалик кенг тарқалганки, ҳатто географик атамадан кўра кўпроқ сирли, ҳаёт ва ўлим орасидаги ҳодисалар рамзи сифатида тилга олинади.

Тарихий маълумотларга кўра, бу ерда ўтган асрлар давомида юзлаб кема ва самолётлар изсиз ғойиб бўлган. Ҳар бир йўқолиш воқеаси одамларда “бу ҳудудда нимадир ғайриоддий куч бор” деган фикрни мустаҳкамлаган.

“National Geographic” ёзишича, бу ҳудуд ҳақидаги илк қайдларнинг ўзи Христофор Колумб даврига бориб тақалади. У ўз кундалигида бу ерда компаснинг ғалати ишлаши ва осмонда ёруғ нуқталар пайдо бўлганини ёзган. Бироқ “Бермуд учбурчаги” атамаси биринчи марта 1964 йилда журналист Винсент Гаддис томонидан қўлланилган. У “Argosy” журналида АҚШ ҳарбий-ҳаво кучларига тегишли 19-рейс йўқолиши ҳақида мақола ёзиб, бутун дунёдаги қизиқишни уйғотган.

Шундан сўнг бу ҳудуд атрофида турли тахминлар, фантастик назариялар ва ҳатто конспирологик гаплар пайдо бўлди. Кимдир буни денгиз тубидаги улкан кальмарлар ёки сирли магнит майдонлари билан боғлади, бошқалар эса ўзга сайёраликлар таъсири деб ҳисоблади.

Аммо илмий жамоа бунинг изоҳини анча содда деб билади: табиий офатлар, инсон хатоси, метеорологик омиллар ва кучли денгиз оқимлари кўплаб йўқолишларга сабаб бўлган бўлиши мумкин.

19-рейс сирини ҳал этмаган ҳалокат

Бермуд учбурчаги сирлари: афсонами ёки ҳақиқий ҳодисами?

Бермуд учбурчаги билан боғлиқ энг машҳур ҳодиса 1945 йил 5 декабрь куни содир бўлган. АҚШ денгиз флотининг бешта “Avenger” самолёти машғулот парвозига чиққан, уларнинг барчаси ҳавода ғойиб бўлган. Ҳар бирида тажрибали учувчилар бўлганига қарамасдан, ҳеч бири базага қайтмаган.

Бермуд учбурчаги сирлари: афсонами ёки ҳақиқий ҳодисами?

Компаслар ишламаган, ҳаво кескин ёмонлашган ва улар йўналишни йўқотган. Тайлор бошчилигидаги гуруҳнинг сўнгги хабаридан кейин улар билан алоқа узилган. Шундан кейин қидирувга чиққан “Martin Mariner” қутқарув самолёти ҳам портлаб йўқолган.

Ҳеч қандай из қолмаган. Денгиз флоти буни “учувчи хатоси” деб баҳолаган, аммо кейинроқ сабаб “номаълум” деб ўзгартирилган.

Бермуд учбурчагининг бошқа сирли йўқолишлари

Бермуд учбурчаги сирлари: афсонами ёки ҳақиқий ҳодисами?

— “Эллен Остин” (1881): ташландиқ кемага борган денгизчилар бир неча дақиқада изсиз йўқолган.

— “Циклоп” (1918): 309 кишилик ёқилғи кемаси Кариб денгизида ҳеч қандай сигналсиз ғойиб бўлган.

— “Протеус” ва “Нереус” (1941): бир ой ичида икки кема бир йўналишда ғойиб бўлган.

— DC-3 самолёти (1948): Майамига яқинлашганида радиодан “қўнишга тайёрланяпмиз” деган хабар келган, сўнг узилган.

Афсонами ёки табиий ҳодисами?

Ҳозирги кунда олимлар Бермуд учбурчагини сирли жой эмас, балки кучли табиий оқимлар ва метеорологик ўзгаришлар маркази деб ҳисоблайди. Бу ҳудудда Gulf Stream оқими жуда фаол — у сувдаги барча изларни, ҳатто самолёт ёки кема қолдиқларини ҳам бир неча соат ичида йўқ қилиш қудратига эга.

Бундан ташқари, тропик бўронлар, магнит оғишлар ва инсон хатолари ҳам кўплаб ҳалокатларга олиб келган бўлиши мумкин. Олимлар фикрича, бу ҳудудда ҳалокатлар бошқа океан қисмига нисбатан кўп эмас — фақат шов-шувли тарихлар уни “афсоналар маркази”га айлантирган.

Шундай бўлса-да, Бермуд учбурчаги ҳануз инсонни ўзига ром этади — у сирли ва беқарор табиатнинг инсон олдидаги ожизлигини эслатиб туради.

Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?