Бавария ҳимоячиси Алпҳонсо Давиес навбатдаги жиддий жароҳатини олиб, мавсумнинг қолган қисмини ўтказиб юборадиган бўлди. Чемпионлар лигаси ярим финалида PSJга қарши кечган баҳсда чап сон мушагини жароҳатлаб олган канадалик футболчининг ёзги Жаҳон чемпионатида иштирок этиши ҳам сўроқ остида қолмоқда. Бу ҳақда Goal.com хабар беради.
Клуб спорт директори Чристопҳ Фреунд вазиятни жуда ачинарли деб атади. Унинг сўзларига кўра, Давиес тиззасидаги оғир жароҳатдан сўнг ўз ўйинини топиб олишга қийналаётган эди, мушаклардаги кетма-кет муаммолар эса футболчининг руҳий ҳолатига ҳам салбий таъсир кўрсатмоқда.
Футболчининг тиббий тарихи анча мураккаб: 2025-йил март ойида тиззасидаги хочсимон боғламлар узилганидан сўнг у тўққиз ой майдондан четда қолган эди. Декабрда қайтганига қарамай, феврал ва март ойларида ҳам мушак жароҳатлари уни тинч қўймади. Бу ҳолат Давиеснинг руҳий тушкунликка тушиб қолишидан хавотирларни кучайтирмоқда.
Бош мураббий Винсент Компани ҳимоячининг жисмоний тикланишига шубҳа қилмаса-да, унинг руҳий ҳолати борасида жиддий хавотирда эканлигини яширмади. Давиес аввалроқ узоқ муддатли реабилитация даврида руҳий тушкунликка тушганини ва қийин дамларни бошдан кечирганини очиқ тан олган эди.
Жорий мавсумда Бавария сафида 23 та ўйинда майдонга тушган Алпҳонсо Давиес 1 та гол уриб, 5 та голли узатмани амалга оширди. Клуб раҳбарияти футболчини қўллаб-қувватлаш учун барча чораларни кўришини маълум қилди.
“Zamin”ни Telegram'да ўқинг!
