Қозоғистон, Қирғизистон ва Ўзбекистон сув ва энергия соҳасидаги ҳамкорлик бўйича янги келишувларга эришди. Учрашув 22-ноябр куни Қозоғистон энергетика вазири Ёрлан Аккенженов бошчилигида Олмаотада бўлиб ўтди.
Тўқтоғул сув омборидаги мураккаб ҳолат сабабли томонлар қиш мавсумида бир-бирларини қўллаб-қувватлашга қарор қилишди. Қозоғистон ва Ўзбекистон қиш мавсумида Қирғизистонга электр энергияси етказиб беришини тасдиқлади.
Бу Қирғизистонга электр энергияси ишлаб чиқаришда сув сарфини камайтиш ва Тўқтоғул омборида сувни сақлаб қолишга ёрдам беради. Баҳор ва ёз мавсумида тўпланган сув Қозоғистон ва Ўзбекистонга йўналтирилади, бу эса вегетация даврида далаларни барқарор суғориш имконини беради.
Шунингдек, давлатлар энергияни тежаш ва ортиқча истеъмолни камайтириш бўйича ҳамкорлик қилишга келишиб олишди. Ваколатли шахслар бундай ҳамкорлик бутун минтақанинг энергетик хавфсизлигини мустаҳкамлашини таъкидлади.
Учрашув якунида томонлар қиш мавсумида етказиб бериладиган электр энергияси ҳажми ва 2026-йил учун сув захиралари режасини тасдиқловчи ҳужжатни имзолашди. Бундан аввал Курсив нашри Ўзбекистон иқлим қурғоқчилиги оқибатларига қарши курашда Сув ва саломатлик бўйича Протоколга қўшилганини хабар қилган эди.
Меҳмон гуруҳидаги фойдаланувчилар ушбу мақолага изоҳ қолдира олмайди.
